Rhus Keeti word 10jr oud | | Dit is so waar as wraggies al die 10de aanbieding van Rhus keeti Veld en Avontuurkamp. Herinneringe van vorige hoogtepunte is op ‘n visuele feesvideo vasgevang en beskikbaar. Wat’s nuut: Ons eerste kursus gemik op gr. 12’s word vir die Dobbertjies aangebied. (Sien berig elders) As jy nog nooit ‘n kamp verjaarsdag bygewoon het nie, kan jy dit vir niks in die wêreld misloop nie! Hier gaan jy die geleentheid kry om kennis op te doen, vriende te maak, avontuur uit die boonste rakke te beleef en te party party party.... | 
Ons 10 jaar logo. Dis beskikbaar op die kamp om op enige kledingstukke te druk
|  | Kursusse wat aangebied word | | Kursusse sonder getalle beperkings:
Veldstudie Gr8
Veldvernuf Gr 9
Kampbeveiliging Gr 10
Sterrekunde Gr 10 -12
Kampering vir Volwassenes | Kursusse met getalle beperkings: Ruiterkuns – 8 Verkenners
Fotografie – 8 Verkenners
4x4 Veldry – 6 Verkenners
Gevorderde Boogskiet– 5 Regs- en 1 Linkshandige Verkenners
Rotsklim – 10 Verkenners | | Spesiale reëlings geld vir inskrywings met getalle beperkings. (sien berig) |  ARA Sertifikate Vlak 1 sertifikaat word aan al die verkenners uitgereik net omdat jy aan al die pret deelneem. Jy gaan die geleentheid kry om boog te skiet, te abseil, in ’n plaasdam te swem en nog vele meer. Vir ’n vlak II sertifikaat moet jy een van die gevorderde kursusse loop. Vlak II Modules Verlede jaar het ons hiermee begin, en ons gaan hierdie jaar voort daarmee. Vir ‘n Vlak II sertifikaat moet die kandidaat 6 modules prakties en 3 mo-dules toerie afhandel. Modules waarvoor hierdie jaar ingeskryf kan word is Gevorderde Boogskiet en Rotsklim @ R625  | Feesmusiekvideo  ‘n Spesiale Feesmusiek- video is vrygestel om die 10 jaar bestaan van Rhus keeti Veld en Avontuurkamp te vier. Dit sluit foto’s en video in wat ‘n terug kyk is oor die afgelope 9 jaar. Gaan kyk die video op Rhus keeti se facebook groep.
Op Aanvraag:
Kampering 
Baie Offisiere het gevra vir 'n spesialisasie vir volwassenes. Ons beplan om weer Kampering aan te bied. Skryf in! Minimum van 8 volwassenes is nodig om die kursus te kan aanbied. Koste R585
| | Dobbertjies
kry kenteken Die Dobbertjiespan was altyd nog ‘n jong en dinamiese span op Rhus keeti. Nou nog soveel meer....
Ons gaan vir julle ook ’n spesialisasie aanbied: DienaarLeier. Die kamp bestuur hou die reg voor om jong dinamiese aanbieders vir julle te kry. Hou die spasie dop! Eers Oranje,
toe Groen,
nou Blou... Die wat oplettend en weerbaar is sal agterkom dat Rhus keeti se logo die jaar blou is. Van die ou kampers kan dalk onthou toe die logo oorspronklik Oranje was en daarna Groen. Die kleurverandering loop saam met die Voortrekkers se jare. PD’s is die eerste 5 jaar van jou Voortrekker lewe geassosieer met oranje. Verkenners se 5 jaar is groen. Blou is jou staatmaker jare. Nou begin die lekker jare. |  Uitnodiging Oom Chris en Konrad nooi alle oud, nuwe, vorige, voornemende en huidige kampers na die partytjie van die dekade. Saterdag die 10de op die kamp. Sien berig elders. | Feestelikhede op die kamp Ja, ons gaan groot fees vier, ons word immers 10 jaar oud! Behalwe vir die gewone kursusse vol pret en avontuur (meer op bl.4) gaan ons Saterdag die partytjie van die dekade hou. Daar sal aktiwiteite wees soos Kennetjie en Giffie toernooi, Mnr en Mej Rhus en natuurlik waterpret met water glybane en vele meer. Kom deel in die pret. |   Busvervoer
R10 af!
Bus vevoer is weer beskikbaar vanaf die Kolonnade Sentrum. Dit is R10 goedkoper as die laaste 2 jaar. R140 bespreek vir jou ‘n retoer rit. Bespreek gou, anders moet jy self daar kom. | Bankbesonderhede
Die Voortrekkers: Rhus keeti kamp
Tjek rek no: 62 213 03 1503
Tak en kode: Bank City / 250805 | Spesiale reelings in Ruiterkuns, Fotografie, 4x4 Veldry en Gevorderde Boogskiet Slegs vir GR 10,11 en 12 Verkenners. Die eerste volledige inskrywings kom in aanmerking. Volledige inskrywings bestaan uit:
->Volledig ingevulde vorm deur ons ontvang
->Geld moet reeds inbetaal wees
->Bewys van inbetaling deur ons ontvang.
Geen uitsonderings nie | |
